FAQs

Havakvia Uqauhinginnun Kamisinap pikangittut manikhanut ikayuutikhanik uqauhirnun maliktakhanut; kihimi, tuhaayumangittugut ihumagiyauyanut piyumayanginnutluuniit unnirutiginiaqtavut talvunga Ministangnut Uqauhirnut.

 

 

Inuit Uqauhinginun Upalungaiyautikhat maligakhat naunaikhimayut tahapkuat naminiqaqtut havakviit piyaghait maligiamingni uqauhirnut maligaqnut unalu, malilimaitkumik, hunanik piyaghanik piniaqqata upalungaiyaklutik maliktakhamingnut. Nanminiqaqtunut Uqauhinginnun Ikayuqti tahamaniittut ikayurumavlutik inungnik apiqhuutinut ikayukhirumagumikluuniit piliuriamingni uuminga Inuit Uqauhinginnun Upalungaiyautikhamik.

 

Havakvia Uqauhinginnun Kamisinap ilaupkalimaitait nanminiqaqtut havakviit ukununga pihimakpata:

  • Pitquyauhimayut ayuqhautigitjutiginiaqqagit.
  • Havakviup atauhiq havaktaa pihimakpat pitquhirmut ilitquhirmingni --uqautigitjutainut, hakugikhiyuuminahugitkumigit tuhaqtitivlutikluuniit Inuinnaungittut uqauhiinnut pitquhiriyamingnutluuniit nunallaami. Unatut, havaktauyut pihimayut ukununga Uiviitituukpaktunut Inuit nunallaanganutluuniit.

 Titiraqhimayumik ilaukangittugit piyauyaghaq. Havakvikkut pitquiyughauyut inungnut apiqhuutiqaqqata ilauyumangitkumik uqaqvigiyakhaa una Nanminiqaqtunut Uqauhinginnun Ikayuqti.

Imannaq, naunaikhimayumi kaangani, inungnut havaktangit piinnarialgit Inuit Uqauhinginni ukuatlu akiliktauyakhanut/atuqqanut, tuhaqtitjutit titiraqhimayutluuniit pinauhuaqtangit inungnut.

Tamaita nanminiqaqtuni havakviit piyaghait ukuat:

  • Nivingaklugit Inungnut tuhaqtitjutikhat, ukuatlu Qilamiutunut Anivikhainutlu Ukkuanginnut Naunaitkutit Inuit Uqauhiani tamatkiklugit aalanik uqauhiriyauyanut atuqpagainut;
  • Nivingaklugit ililugitluuniit tuhaqtitjutigiyamingnik titiraqlugit nivingagakhat unalu naminiqaqtunut tuhaqtitjutinut Inuit Uqauhiani tamatkiklugit aalanik uqauhiriyauyanut atuqpagainut;
  • Pilugit Inuit Uqauhinginnik titiraqhimayunik inungnut tuhaqtitjutigiyainut, nivingagakhanut unalu naminiqaqtunut tuhaqtitjutinut aatjikkiiktumik pilugit aallanut uqauhiriyauyanut atuqpagainut; unalu
  • Havaklutik Inuit Uqauhinginni inungnut uqalirairumik havaktamingnut havaktauhimayanut inungnut tuhaqtitjutigivlugit.

Hivunngani naunaiktauniaqtuq Ministat Katimayiinit, naminiqaqtuni havakviit havaktughauyut tahapkunani imaaluuniit uqaqtaakhutik inungnut Inuit uqauhiani. Nanminiqaqtut havakviit ukuat kuapaliisit, paanariit, nanminirilluaqhugu, timikakhutik, katimayiit, kuapatkut, havaktiita katimayiit ikayuktiit unaluuniit kavamaungittut havakviit.

Maligaliuqvik, Nunavunmi apiqkhuqtauviit, piyughauyut havaklutik ilitariyauhimayuni uqauhinginni. Unalu Nunavut kavamanga, katimayiit havakviuyutluuniit ataani itkumik:

  • Ataniqaqviklungugumik havakvigiyautluarumikluuniit;
  • Havakviugumik qilamiuktunut havaktauyakhanut, iglunut havakkumik ukunatut alruyanut uqhuqyuanutluuniit, ihuaqhunilu aanniartailinirmut kayaginnaqtunullu; unaluuniit
  • Naunaikhimakpat piyumakpiarumik havaktaukuvlugu tuhaqtitjutinut havakvianut ilitariyauhimayumut uqauhinginnut.

Kangikhitjutaa una kitulikaak pittaaqtut havaktauyanik uqautigiyanginnikluuniit kavamatkuni havakviinnit Inuit uqahinginni, Qablunaatut Uiviititutlu. Ukiunganut 2012-mi Haamlitkut piyughauyut havaklutik Inuit uqauhiani unalu, piyughaugumik, Uiviitittutlu.