FAQs

ᐃᓄᐃᑦ ᐅᖃᐅᓯᖓᑦ (ᐃᓄᒃᑎᑐᑦ ᐃᓄᐃᓐᓇᖅᑐᓪᓗ), ᖃᓪᓗᓈᑎᑐᑦ ᐅᐃᕖᑎᑐᓪᓗ.

ᑎᑎᕋᕐᕕᐊ ᐅᖃᐅᓯᕐᓄᑦ ᑭᒡᒐᖅᑐᖅᑎᐅᑉ ᑮᓇᐅᔭᑎᒍᑦ ᐃᑲᔪᖅᐸᙱᑦᑐᖅ ᐅᖃᐅᓯᕐᓄᑦ ᒪᓕᑦᑎᐊᖅᑎᑦᑎᓂᕐᒧᑦ ᑐᕌᖓᔪᓄᑦ; ᑭᓯᐊᓂᑦᑕᐅᖅ, ᑐᓴᖃᑦᑕᕈᒪᔪᒍᑦ ᖃᓄᑐᐃᓐᓇᖅ ᐃᓱᒫᓘᑕᐅᔪᓂᒃ ᐱᔭᐅᔭᕆᐊᓕᖕᓂᒡᓘᓐᓃᑦ ᑕᒪᒃᑯᐊ ᐅᖃᐅᓯᕆᔪᓐᓇᖃᑦᑕᕐᓂᐊᕋᑦᑎᒍ ᒥᓂᔅᑕᕆᔭᐅᔪᒧᑦ ᐅᖃᐅᓯᕐᓄᑦ.

 

ᐃᓄᐃᑦ ᐅᖃᐅᓯᖏᓐᓄᑦ ᐱᕙᒌᔭᖅᑕᐅᓯᒪᔪᑦ ᒪᓕᒃᑕᐅᕙᓪᓕᐊᔭᕆᐊᓖᑦ ᓇᓗᓇᐃᖅᓯᕗᑦ ᖃᓄᐃᓕᐅᕆᐊᖃᕐᒪᖔᑕ ᐃᓛᒃᑰᖅᖢᑎᒃ ᑎᒥᒋᔭᐅᔪᑦ ᒪᓕᑦᑎᐊᕈᒪᒍᑎᒃ ᐅᖃᐅᓯᕐᓄᑦ ᐱᖁᔭᕆᔭᐅᔪᓂᒃ ᐊᒻᒪᓗ, ᑖᒃᑯᓂᖓ ᒪᓕᒍᓐᓇᙱᒃᑯᑎᒃ, ᖃᓄᐃᓕᐅᕈᓐᓇᖅᐸᑦ ᒪᓕᖕᓂᐊᕐᓂᕐᒧᑦ ᐱᕙᒌᔭᕐᓂᐊᕈᑎᒃ. ᐃᓛᒃᑰᖅᑐᓄᑦ ᐱᓕᕆᔨ ᑕᐃᑲᓃᖃᑦᑕᕆᕗᖅ ᑭᒃᑯᑐᐃᓐᓇᕐᓂᒃ ᐃᑲᔪᕈᒪᓪᓗᑎᒃ ᐊᐱᖅᑯᑎᒃᓴᖃᕐᓂᖅᐸᑕ ᐃᑲᔪᕐᓗᓂᒋᓪᓘᓐᓃᑦ ᐋᖅᑭᒃᓱᐃᖃᑎᒋᓗᒋᑦ ᐃᓄᐃᑦ ᐅᖃᐅᓯᖏᓐᓄᑦ ᐱᕙᒌᔭᕐᓂᕐᒥᒃ.

ᑎᑎᕋᕐᕕᖓᑦ ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ ᑭᑭᑦᑎᔪᓐᓇᖅᑐᖅ ᐃᓛᒃᑰᖅᑐᓂᒃ ᑎᒥᓂ ᐃᒪᐃᑉᐸᑕ:

  • ᑕᒪᒃᑯᐊ ᒪᓕᒃᑕᐅᔭᕆᐊᓖᑦ ᐊᔪᕐᓇᖅᑐᖅᓯᐅᖅᑎᑦᑎᓂᐊᖅᐸᑕ.
  • ᑲᑐᔾᔨᖃᑎᒌᖑᔫᑉ ᐱᔾᔪᑎᑐᐊᖓ ᐃᓕᖅᑯᓯᑐᖃᕆᔭᐅᔪᓄᑦ ᐸᐸᑦᑎᓂᕐᒨᖓᒃᐸᑦ--ᐅᖃᐅᓯᖃᕐᓂᕐᒧᑦ, ᓴᙱᒃᑎᒋᐊᖅᑎᑦᑎᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒧᓪᓗ ᖃᓪᓗᓈᑐᑦ ᐅᖃᐅᓯᕐᓄᑦ ᐃᓕᖅᑯᓯᑐᖃᕐᓄᓪᓘᓐᓃᑦ ᑐᕌᖓᒃᐸᑦ. ᓲᕐᓗ ᐃᒪᓐᓇ, ᐱᓕᕆᐊᒃᓴᓄᑦ ᑐᕌᖓᑎᑕᐅᔪᓄᑦ ᐅᐃᕖᓄᑦ ᐃᓄᖕᓄᓪᓘᓐᓃᑦ.

 ᑭᑭᑕᐅᔪᓐᓇᕈᑎᓪᓚᑦᑖᒥᒃ ᐱᔪᖃᕆᐊᖃᕋᔭᖅᐳᖅ. ᑎᑎᕋᕐᕕᒃᐳᑦ ᑎᓕᐅᕆᔪᒪᓇᔭᖅᐳᑦ ᑭᒃᑯᑐᐃᓐᓇᓂᒃ ᐊᐱᖅᑯᑎᒃᓴᖃᖅᐸᑕ ᑭᑭᑕᐅᔪᓐᓇᕐᓂᕐᒧᑦ ᖃᐅᔨᒋᐊᖁᓗᒋ ᐃᓛᒃᑰᖅᑐᓄᑦ ᐱᓕᕆᔨᒋᔭᐅᔪᒧᑦ.

ᐋᒃᑲ, ᖁᓛᓂ ᐅᖃᖅᓯᒪᔪᑎᑐᑦ, ᐱᓕᕆᕝᕕᒋᕙᒃᑕᑎᒃ ᑐᙵᓱᒃᑎᑦᑎᓂᕐᒧᓪᓘᓐᓃᑦ ᐱᔨᑦᑎᕋᕐᓂᕆᕙᒃᑕᑎᒃ ᒪᓂᒪᑎᑕᐅᓪᓗᐊᖅᐳᑦ ᐃᓄᐃᑦ ᐅᖃᐅᓯᖏᑎᒍᑦ, ᒪᑯᐊᓗᑦᑕᐅᖅ, ᐊᑭᓕᒐᒃᓴᙳᖅᑎᑕᐅᕙᒃᑐᑦ/ᐊᑭᓕᒃᓴᐃᑦ, ᓇᓗᓇᐃᒃᑯᑕᐃᑦ ᑎᑎᕋᖅᓯᒪᓕᖅᑎᑕᐅᔪᓪᓘᓐᓃᑦ ᑭᒃᑯᑐᐃᓐᓇᓄᑦ ᑐᕌᖅᑎᑕᐅᔪᑦ.

ᑕᒪᕐᒥᑦᑎᐊᖅ ᐃᓛᒃᑰᖅᑐᑦ ᑎᒥᒋᔭᐅᔪᑦ ᐃᒪᓐᓇ ᓂᕆᐅᒋᔭᖃᕐᕕᐅᕗᑦ:

  • ᑕᑯᒃᓴᐅᑎᓪᓗᒋ ᑭᒃᑯᑐᐃᓐᓇᓄᑦ ᓇᓗᓇᐃᒃᑯᑕᑎᒃ, ᐃᓚᒋᔭᐅᓗᑎᒃ ᑐᐊᕕᕐᓇᖅᑐᒧᑦ ᐊᓂᕝᕕᖕᓄᓪᓗ ᑎᑎᕋᖅᓯᒪᔪᑦ ᐃᓄᐃᑦ ᐅᖃᐅᓯᖏᑎᒍᑦ ᐃᓚᖃᕐᓗᑎᒃ ᐊᓯᖏᓐᓂᒃ ᐅᖃᐅᓯᕐᓂᒃ ᐊᑐᖅᑕᐅᕙᒃᑐᓂᒃ;
  • ᑕᑯᒃᓴᐅᑎᓪᓗᒋᑦ ᑐᓂᐅᖅᑲᐅᑎᒋᓗᒋᓪᓗ ᐊᑭᓐᓇᒥᐅᑕᑎᒃ ᑮᓇᐅᔭᓕᐅᕋᓱᖕᓂᕐᒧᓪᓗ ᒪᓂᓴᐅᓯᐊᖑᖃᑦᑕᖅᑐᑦ ᐃᓄᐃᑦ ᐅᖃᐅᓯᖏᑦ ᐊᑐᖅᑕᐅᓗᑎᒃ ᐃᓚᖃᕐᓗᑎᒡᓗ ᓇᓕᐊᖕᓂᑐᐃᓐᓇᖅ ᐅᑲᐅᓯᕐᒥᒃ ᐊᑐᖅᑕᐅᕙᒃᑐᒥᒃ;
  • ᖃᐅᔨᒪᑦᑎᐊᕋᓱᒃᐸᒡᓗᑎᒃ ᐃᓄᐃᑦ ᐅᖃᐅᓯᖏᑎᒍᑦ ᑎᑎᕋᖅᑕᐅᓯᒪᒐᓗᐊᕐᒪᖔᑕ  ᑭᒃᑯᑐᐃᓐᓇᓄᑦ ᑕᑯᒃᓴᐅᑎᑕᐅᔪᓂ, ᐊᑭᓐᓇᒥᐅᑕᐃᑦ ᑮᓇᐅᔭᓕᐅᕋᓱᖕᓂᕐᒧᓪᓗ ᒪᓂᓴᐅᓯᐊᖑᖃᑦᑕᖅᑐᑦ ᓇᓕᒧᒃᓱᖅᑎᑕᐅᒐᓗᐊᕐᒪᖔᑕ ᑕᐃᒪᓐᓇᑎᒋ ᐅᔾᔨᕐᓇᖅᑎᒋᓪᓗᑎᒃ ᐊᓯᖏᑎᒍᑦ ᐅᖃᐅᓯᖅᑎᒍᑦ ᐊᑐᖅᑕᐅᔪᑎᒍᑦ; ᐃᒪᓐᓇᓗ
  • ᓴᖅᑭᑎᑦᑎᓗᑎᒃ ᐃᓄᐃᑦ ᐅᖃᐅᓯᖏᑎᒍᑦ ᑐᙵᓱᒃᑎᑦᑎᓂᕐᒧᑦ ᐱᔨᑦᑎᕋᕐᓂᕆᕙᒃᑕᑎᒃ ᓇᓕᐊᑐᐃᓐᓇᕐᓗ ᐱᓕᕆᕝᕕᒋᕙᒃᑕᒥᓄᑦ ᐃᑲᔪᖅᐸᒃᑕᒥᓄᓪᓘᓐᓃᑦ ᐱᔨᑦᑎᕋᕐᓂᕆᕙᒃᑕᒥᓄᑦ ᑭᒃᑯᑐᐃᓐᓇᓄᑦ.

ᓯᕗᓂᒃᓴᑦᑎᓐᓂ ᐅᓪᓘᓛᖅᑐᒥ ᐋᖅᑭᒃᓯᒪᓕᖅᑎᑕᐅᔪᒫᖅᖢᓂ ᒥᓂᔅᑕᐅᖃᑎᒌᓂᑦ, ᑕᒪᒃᑯᐊ ᐃᓛᒃᑰᖅᑐᑦ ᐱᔨᑦᑎᕋᖃᑦᑕᕆᐊᖃᓛᖅᑐᑦ ᐅᖃᖃᑎᖃᕈᓐᓇᖅᐸᒡᓗᑎᒡᓘᓐᓃᑦ ᑭᒃᑯᑐᐃᓐᓇᓂᒃ ᐃᓄᐃᑦ ᐅᖃᐅᓯᖏᑦ ᐊᑐᕐᓗᒋᑦ. ᑕᒪᒃᑯᐊ ᐃᓛᒃᑰᖅᑐᑦ ᑎᒥᐅᓪᓗᑎᒃ ᒪᑯᐊᖑᕗᑦ, ᑯᐊᐳᕇᓴᐃᑦ, ᓇᖕᒥᓂᖃᑎᒌᖕᓃᑦ, ᐃᓄᖕᒥᑦ ᐅᑕᐅᓯᕐᒥᑦ ᓇᖕᒥᓂᕆᔭᐅᔪᑦ, ᐃᓅᖃᑎᒌᖕᓃᑦ, ᑲᑐᔾᔨᖃᑎᒌᖑᔪᑦ, ᑯᐊᐸᐅᔪᑦ, ᑲᑐᔾᔨᖃᑎᒌᑦ ᒐᕙᒪᒃᑯᓐᓂᕐᒥᐅᑕᐅᓇᑎᒡᓗ ᑎᒥᒋᔭᐅᔪᑦ.

ᓯᕗᓂᒃᓴᑦᑎᓐᓂ ᐅᓪᓘᓛᖅᑐᒥ ᐋᖅᑭᒃᓯᒪᓕᖅᑎᑕᐅᔪᒫᖅᖢᓂ ᒥᓂᔅᑕᐅᖃᑎᒌᓂᑦ, ᑕᒪᒃᑯᐊ ᐃᓛᒃᑰᖅᑐᑦ ᐱᔨᑦᑎᕋᖃᑦᑕᕆᐊᖃᓛᖅᑐᑦ ᐅᖃᖃᑎᖃᕈᓐᓇᖅᐸᒡᓗᑎᒡᓘᓐᓃᑦ ᑭᒃᑯᑐᐃᓐᓇᓂᒃ ᐃᓄᐃᑦ ᐅᖃᐅᓯᖏᑦ ᐊᑐᕐᓗᒋᑦ. ᑕᒪᒃᑯᐊ ᐃᓛᒃᑰᖅᑐᑦ ᑎᒥᐅᓪᓗᑎᒃ ᒪᑯᐊᖑᕗᑦ, ᑯᐊᐳᕇᓴᐃᑦ, ᓇᖕᒥᓂᖃᑎᒌᖕᓃᑦ, ᐃᓄᖕᒥᑦ ᐅᑕᐅᓯᕐᒥᑦ ᓇᖕᒥᓂᕆᔭᐅᔪᑦ, ᐃᓅᖃᑎᒌᖕᓃᑦ, ᑲᑐᔾᔨᖃᑎᒌᖑᔪᑦ, ᑯᐊᐸᐅᔪᑦ, ᑲᑐᔾᔨᖃᑎᒌᑦ ᒐᕙᒪᒃᑯᓐᓂᕐᒥᐅᑕᐅᓇᑎᒡᓗ ᑎᒥᒋᔭᐅᔪᑦ.

ᓄᓇᕗᑦ ᒐᕙᒪᒃᑯᖏᑦ, ᑲᑎᒪᔨᖏᑦ ᑐᑦᑕᕐᕕᒋᔭᖏᓐᓄᓪᓘᓐᓃᑦ ᑖᒃᑯᐊ ᐃᒪᐃᑦᑑᒃᐸᑕ:

  • ᑐᑦᑕᕐᕕᒋᔭᐅᒍᑎᒃ ᐃᓂᓪᓗᐊᑕᕆᔭᐅᒍᑎᒡᓘᓐᓃᑦ ᑎᑎᕋᕐᕕᒋᔭᐅᓗᑎᒃ;
  • ᑎᑎᕋᕐᕕᒋᔭᐅᒍᑎᒃ ᐊᑐᖅᑕᐅᒻᒪᕆᒋᐊᖃᖅᐸᒡᓗᑎᒃ ᓲᕐᓗ ᑐᐊᕕᕐᓇᖅᑐᓄᑦ ᐱᔨᑦᑎᕋᕆᐊᖃᖅᐸᒃᑯᑎᒃ, ᐃᒡᓗᕐᔪᐊᕆᔭᐅᔪᓄᑦ ᐱᔨᑦᑎᕋᕆᐊᖃᖅᐸᒃᑯᑎᒃ ᓲᕐᓗ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᐅᖅᓱᐊᓗᖃᖅᑎᑦᑎᓂᕐᒧᓪᓗ, ᐊᖏᔪᒻᒪᕆᒃᑯᓪᓗ ᐊᒃᑐᖅᓯᓂᖃᕐᓂᐊᕈᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᑎᑦᑎᓂᕐᒧᓪᓗ; ᐃᒪᓐᓇᓘᓐᓃᑦ
  •  ᐊᑐᖅᑕᐅᑦᑎᐊᖁᔭᐅᓯᒪᒃᐸᑦ ᐱᔨᑦᑎᕋᕈᑕᐅᓗᓂ ᑐᓴᐅᒪᖃᑦᑕᐅᑎᔾᔪᑕᐅᓗᓂᓘᓐᓃᑦ ᑖᔅᓱᒧᖓ ᑎᑎᕋᕐᕕᖕᒧᑦ ᐅᖃᐅᓯᕐᒥᒃ ᐃᓕᓴᕆᔭᐅᓯᒪᔪᒥᒃ ᐊᑐᖁᔨᓯᒪᓗᑎᒃ.

ᑖᓐᓇ ᑐᑭᖃᖅᑐᖅ ᑭᓇᑐᐃᓐᓇᖅ ᐱᔨᑦᑎᕋᖅᑕᐅᔭᕆᐊᖃᖅᐸᒃᑐᖅ ᐅᖃᖃᑎᖃᕈᓐᓇᕐᓗᓂᓘᓐᓃᑦ ᑭᒃᑯᑐᐃᓐᓇᐃᑦ ᐱᓕᕆᔩᑦ ᒐᕙᒪᒃᑯᑦ ᐊᐅᓚᑕᖏᓐᓂᒃ ᐱᓕᕆᔾᔪᓯᖃᕐᓗᓂ ᐃᓄᐃᑦ ᐅᖃᐅᓯᖏᓐᓂᒃ, ᖃᓪᓗᓈᑎᑐᑦ ᐅᐃᕖᑎᑐᓪᓗ. 2012 ᑎᑭᓯᒪᓕᖅᐸᑦ ᕼᐋᒻᓚᒋᔭᐅᔪᑦ ᐱᔨᑦᑎᕋᕆᐊᖃᖃᑦᑕᓛᕐᒥᔪᑦ ᐃᓄᐃᑦ ᐅᖃᐅᓯᖏᑦ ᐊᑐᕐᓗᒋᑦ ᐃᒪᓐᓇᓗ, ᐊᑐᖅᑕᐅᖁᔭᐅᑦᑎᐊᖅᑐᒻᒪᕆᐅᒃᐸᑦ, ᐅᐃᕖᑎᑐᑦ.