ᐅᖃᐅᓯᕐᓅᖓᔪᓕᕆᓲᑦ

ᓇᓗᓇᐃᒃᑯᑕᐅᑉ ᒥᒃᓵᓄᑦ

ᓇᓗᓇᐃᒃᑯᑕᑦᑕ ᒥᒃᓵᓄᑦ

ᖃᔅᓯᑲᓪᓚᖕᓂᒃ ᑐᕌᕆᔭᖃᓚᐅᖅᑐᒍᑦ ᓇᓗᓇᐃᒃᑯᑕᖅᐳᑦ ᓴᖅᑭᑎᑕᐅᕙᓪᓕᐊᓕᖅᑎᓪᓗᒍ. ᑖᒃᑯᐊ ᑐᕌᕆᔭᕗᑦ .  ᐅᕝᕙᐅᕗᑦ:

  • ᐊᔾᔨᖃᙱᓪᓗᓂ
  • ᑭᒃᑯᑐᐃᓐᓇᓂᒃ ᐃᓚᐅᑎᑦᑎᓗᓂ
  • ᐆᒻᒪᔾᔭᕆᖕᓇᕐᓗᓂ
  • ᐅᑭᐅᖅᑕᖅᑐᒥᐅᑕᐅᓗᓂ

ᐊᑐᕈᒪᓚᐅᓐᖏᑦᑐᒍᑦ ᑎᑎᕋᐅᔭᖅᓯᒪᕈᓗᑐᐃᓐᓇᖅᑐᓂᒃ ᐅᕝᕙᓘᓐᓃᑦ ᐊᑐᖅᑕᐅᓗᐊᖅᑐᓂᒃ, ᐃᓄᖕᓄᓪᓗ ᑐᕋᖓᔪᓂᒃ ᐊᑕᐅᓯᐅᓐᖏᑦᑐᓂᒃ ᐃᓚᖃᐅᖁᓚᐅᕐᒥᔭᕗᑦ ᓄᓇᕗᒻᒥᐅᓄᑦ ᐃᓕᓴᕐᓇᕐᓂᖅᓴᐅᓂᐊᕐᒪᑦ.  ᑕᒪᒃᑯᐊ ᑐᕌᒐᓕᐊᕆᓚᐅᖅᑕᕗᑦ ᑎᑭᐅᑎᖅᑰᖅᑕᕗᑦ.

  • ᑮᓇᓐᖑᐊᖅ ᓴᓐᓂᖓᔪᖅ ᐊᖑᑎᓐᖑᐊᖑᓗᓂ ᐊᕐᓇᓐᖑᐊᖑᓗᓂᓘᓐᓃᑦ; ᐃᓄᓪᓚᕆᓐᖑᐊᖑᓗᓂ ᐅᕝᕙᓘᓐᓃᑦ ᐋᒃᑲ.
  • ᕿᓚᐅᑖ ᐃᓄᐃᑦ ᐱᖅᑯᓯᖏᓐᓄᑐᐊᖅ ᑐᕌᖓᓐᖏᑦᑐᖅ, ᐃᓕᓴᕆᔭᐅᔪᓐᓇᕐᒪᑦ ᖃᓪᓗᓈᑎᑑᓲᓄᑦ ᐅᐃᕖᑎᑑᓲᓄᓪᓗ, ᑐᓴᐅᒪᔾᔪᑎᓄᑦ ᐊᑐᖅᑕᐅᖃᑦᑕᕆᓪᓗᓂ ᐱᖅᑯᓯᒥᒃᑎᒍᑦ.
  • ᕿᓚᐅᑖᑕ ᐃᓗᐊᓂ ᐃᖏᐅᓕᓐᖑᐊᑦ ᑐᑭᖃᖅᐳᖅ ᓂᐱᓂᒃ ᕿᓚᐅᑎᒥᓐᖔᖅᑐᒥᒃ ᐅᕝᕙᓘᓐᓃᑦ ᓂᐱᒥᒃ.

ᑖᓐᓇ ᐊᔾᔨᙳᐊᖅ ᓇᐅᒃᑯᓕᒫᖅ ᓴᖅᑭᑎᑦᑎᓇᓱᒃᐳᖅ ᑐᓴᐅᒪᖃᑦᑕᐅᑎᓂᕐᒥᒃ, ᑕᒪᓐᓇ ᓲᖃᐃᒻᒪ, ᐅᖃᐅᓯᐅᑉ ᐱᔾᔪᑎᒋᖕᒪᒍ, ᑖᔅᓱᒪᓗ ᑎᑎᕋᕐᕕᐅᑉ ᑐᕌᕆᕙᖓ ᓴᐳᔾᔨᓯᒪᓂᖅ ᐱᔪᓐᓇᐅᑎᒋᔭᐅᔪᒥᒃ ᑐᓴᖅᑎᑦᑎᔪᓐᓇᕐᓂᕐᒥᒃ ᓇᓕᐊᖕᓄᑐᐃᓐᓇᖅ ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ.