ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᔭᐅᓯᒪᓂᖓᓄᑦ ᒪᓕᒐᖅ

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᖅ

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᖅ

ᑲᓇᑕᓕᒫᒥ ᑖᓐᓇ ᐱᖁᔭᕐᔪᐊᑐᐊᑦᑎᐊᖅ ᓴᐳᒻᒥᐅᓯᖅᓯᓯᒪᔪᖅ ᐊᒻᒪᓗ ᐆᒻᒪᖅᑎᑦᑎᒃᑲᓐᓂᕋᓱᒃᑐᖅ ᓄᓇᖃᖅᑳᖅᓯᒪᔪᑦ ᐅᖃᐅᓯᕐᖓᐅᑎᖏᓐᓂᒃ.  ᑐᕌᒐᖃᓪᓗᐊᑕᖅᑐᑦ ᐅᓄᖅᓯᑎᒋᐊᒃᑲᓐᓂᕋᓱᒡᓗᒋᑦ ᐃᓄᐃᑦ ᐅᖃᐅᓯᖏᓐᓂᒃ ᐅᖃᓪᓚᑦᑎᐊᕈᓐᓇᖅᑐᑦ ᐊᒻᒪᓗ ᐅᖃᓕᒫᑦᑎᐊᕈᓐᓇᖅᑐᑦ.  ᓄᓇᕗᒻᒥᐅᑦ ᑕᒪᑐᒧᖓ ᑐᕌᒐᓕᐊᕆᔭᐅᓯᒪᔪᒧᑦ ᑎᑭᐅᑎᖁᒧᒃ, ᒥᓂᔅᑕᐃᑦ ᑲᑎᒪᔨᖏᑦ ᓴᖅᑭᑦᑎᓚᐅᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᒥᓂᔅᑕᐅᑉ ᐃᓂᖓᓂᒃ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᑦ ᒪᓕᒃᑕᐅᓪᓗᑎᒃ.

 ᑭᓱᓂᒃ ᖃᐅᔨᒪᔭᕆᐊᖃᖅᐳᖓ?

ᑕᒪᑐᒪᓂ ᐊᕐᕌᒍᒥ ᐱᒋᐊᕐᓗᒍ, ᐃᓕᓴᖅᑐᖁᑎᓖᑦ ᐱᔪᓐᓇᐅᑎᖃᖅᐳᑦ ᕿᑐᕐᖓᒥᓂᒃ ᐃᓕᓐᓂᐊᖅᑎᑕᐅᑎᑦᑎᓗᑎᒃ ᐃᓄᐃᑦ ᐅᖃᐅᓯᖓ ᐊᑐᕐᓗᒍ ᐱᒋᐊᓕᓵᕐᓂᖏᓐᓂ ᖁᕝᕙᓯᖕᓂᓕᒃ 3-ᒧᑦ ᑎᑭᓪᓗᒍ.

  • ᓯᑎᐱᕆ 2009 ᑐᖔᓂ, ᓴᖅᑭᑦᑎᓂᐊᕐᓗᑎᒃ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᓂᒃ, ᑖᒃᑯᐊᓗ ᐋᖅᑭᒃᓱᐃᔨᐅᓂᐊᕐᓗᑎᒃ ᐅᖃᐅᓰᑦ ᒪᓕᒐᖏᓐᓂᒃ.
  • 2011-ᒥ, ᐃᓄᐃᑦ ᐃᖅᑲᓇᐃᔭᖅᑐᑦ ᓄᓇᕗᑦ ᒐᕙᒪᒃᑯᓐᓂ ᐱᔪᓐᓇᐅᑎᖃᕐᓂᐊᖅᐳᑦ ᓇᖕᒥᓂᖅ ᐅᖃᐅᓯᕐᖓᐅᑎᒥᖕᓂᒃ ᐊᑐᕐᓗᑎᒃ ᐃᖅᑲᓇᐃᔭᕈᓐᓇᕐᓗᑎᒃ.
  • 2012 ᑐᖔᓂ, ᓄᓇᓕᖕᓂ ᒐᕙᒪᐃᑦ ᐱᔨᑦᑎᕈᑎᓂᒃ ᓴᖅᑭᔮᖅᑎᑦᑎᔭᕆᐊᖃᖅᐳᑦ ᐃᓄᐃᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ.
  • 2019 ᑐᖔᓂ, ᐃᓕᓐᓂᐊᕐᕕᖕᒥ ᖁᕝᕙᓯᖕᓂᓕᒫᓂ ᐱᔪᓐᓇᐅᑎᖃᕐᓂᐊᖅᐳᑦ ᐃᓄᐃᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑕᐅᔪᓐᓇᕐᓂᕐᒥᒃ.

 ᑭᓱᒃᑲᓐᓂᓪᓗ?

ᒐᕙᒪᐃᑦ ᐱᓕᕆᕝᕕᖏᑦ ᐊᒻᒪᓗ ᓇᖕᒥᓂᕆᔭᐅᔪᑦ ᐱᔭᒃᓴᖅᑖᖅᑎᑕᐅᓂᐊᖅᐳᑦ ᐊᑐᓪᓚᕆᒃᑐᓂᒃ ᐱᔨᑦᑎᕈᑎᓂᒃ ᐊᑐᐃᓐᓇᕈᐃᓯᒪᓂᖅ ᐃᓄᐃᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ.  ᑖᒃᑯᓄᖓ ᐃᓚᓕᐅᔾᔭᐅᓯᒪᕗᑦ ᑐᐊᕕᕐᓇᖅᑐᓕᕆᔨᑦ, ᐸᖅᓴᐃᔩᑦ, ᐋᓐᓂᐊᖃᕐᓇᓐᖏᑦᑐᓕᕆᔨᑦ, ᐃᓅᓕᓴᐃᔩᑦ, ᐄᔭᒐᖅᑖᕐᕕᑦ, ᐃᒡᓗᓂ, ᓇᔪᒐᕐᓂ ᐊᒻᒪᓗ ᑐᓐᖓᓱᒃᑎᑦᑎᓂᕐᒧᑦ ᐱᔨᑦᑎᖅᑏᑦ (ᓄᓇᓖᑦ ᒐᕙᒪᖏᑦ 2012 ᑐᖔᓂ).  ᑕᒪᑐᒪ ᐅᓪᓗᖓ ᐋᖅᑭᒃᑕᐅᓂᐊᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ.

 ᑐᑭᓯᒋᐊᒃᑲᓐᓂᕈᒪᕖᑦ?

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᒍᕕᑦ, ᐅᓇ ᓇᕿᓪᓗᒍ click here.

AttachmentSize
i2008snc17_INUK.pdf390.37 KB