ᐊᑕᖐᓯᒪᓪᓗᓂ ᐊᑐᓕᖅᑎᑦᑎᓕᕐᓂᕐᒧᑦ ᐸᕐᓇᐅᑦ

ᐅᖃᐅᓯᕐᓄᑦ ᒪᓕᒐᐃᑦ

ᐸᕐᓇᐅᑎᓕᐊᖑᔪᖅ ᐊᑐᓕᖅᑎᑕᐅᓂᒃᓴᖏᓐᓄᑦ ᐅᖃᐅᓯᕐᓄᑦ ᒪᓕᒐᓕᐊᖑᓚᐅᖅᑑᖕᓄᑦ ᒪᓕᒐᓕᐅᕐᕕᖕᒥ ᓴᖅᑭᑎᑕᐅᓪᓗᐊᓚᐅᕋᓗᐊᕐᒪᑦ ᑭᒡᓕᖃᕐᓗᓂ ᒫᔾᔨ 31, 2009 ᒪᓕᒐᓕᐅᖅᑎᑦ ᑲᑎᒪᑎᓪᓗᒋᑦT. ᐊᑕᖐᓯᒪᓪᓗᓂ ᐊᑐᓕᖅᑎᑦᑎᓕᕐᓂᕐᒧᑦ ᐸᕐᓇᐅᑦ ᓇᓗᓇᐃᖅᓯᓂᐊᖅᐳᖅ ᐅᖃᐅᓯᕐᓄᑦ ᒥᓂᔅᑕᐅᑉ ᐸᕐᓇᐅᑎᓕᐊᕆᔭᖏᓐᓂᒃ ᐊᑐᓕᖅᑎᑕᐅᓂᒃᓴᖏᓐᓄᑦ ᐅᖃᐅᓯᕐᓄᑦ ᒪᓕᒐᓕᐊᖑᓚᐅᖅᑑᖕᓄᑦ ᐃᓚᖃᕋᔭᖅᖢᑎᒃ ᐸᕐᓇᐅᑎᑦ ᐅᑯᓂᖓ:

ᐊᑐᓕᖅᑎᑦᑎᒃᑲᓐᓂᕆᐊᓪᓚᖕᓂᕐᒧᑦ ᐊᒻᒪ ᓴᐳᒻᒥᔭᐅᓂᖓᓄᑦ ᐃᓄᐃᑦ ᐅᖃᐅᓯᖓᓐᓄᑦ.
ᖃᓄᖅ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓇᓕᒧᒃᓲᑎᓂᖃᓕᕈᓐᓇᕋᔭᕐᒪᖔᑕ.
ᒥᓂᔅᑕ ᐅᓂᒃᑳᕆᔭᖓᒍᑦ ᒪᓕᒐᓕᐅᕐᕕᖕᒥ ᐅᖃᐅᓯᕐᓄᑦ ᒥᓂᔅᑕ ᓇᓗᓇᐃᖅᓯᓚᐅᖅᐳᖅ ᐅᖓᕙᕆᐊᖅᑎᑕᐅᓂᕆᓚᐅᖅᑕᖓᓄᑦ ᓄᓇᕗᓕᒫᒥᙶᖅᑐᓂᒃ ᐅᖃᖃᑎᖃᕐᓂ ᑲᑎᒪᕐᔪᐊᕐᓂᖃᖅᑎᑦᑎᓂᕐᓗ ᐱᔾᔪᑎᒋᔭᐅᓂᖓᓂᒃ ᖃᖓᒃᑰᖅᑕᕈᑎᓕᐊᕆᔭᐅᓚᐅᖅᑐᓄᑦ ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ ᒪᓕᒐᕐᒥ, ᐊᒻᒪ ᐱᓂᐊᖅᑕᖃᕐᓂᕋᖅᖢᓂ ᓯᑎᐱᕆᒥ ᓴᖅᑭᑎᑦᑎᓛᓂᐊᕐᓂᕋᖅᖢᓂ ᐊᑕᖐᓯᒪᓪᓗᓂ ᐊᑐᓕᖅᑎᑦᑎᓕᕐᓂᕐᒧᑦ ᐸᕐᓇᐅᒻᒥᒃ. ᐅᒃᐱᕈᓱᖕᓂᕋᕐᒪᑦ ᐅᖓᕙᕆᐊᖅᑎᑦᑎᓂᕆᔭᖓ ᐱᕕᖃᕈᑕᐅᔪᓐᓇᕐᓂᖅᓴᐅᓇᓱᒋᓪᓗᓂᐅᒃ ᑐᓴᖅᑕᐅᓚᐅᖅᑐᑦ ᕿᒥᕐᕈᔭᐅᑦᑎᐊᒃᑲᓐᓂᕈᓐᓇᕋᓱᒋᓪᓗᓂᒋᑦ ᐊᒻᒪ ᐃᓚᒋᓕᐅᔾᔭᐅᓕᖅᑎᑕᐅᔪᓐᓇᕋᓱᒋᓪᓗᓂᒋᑦ ᐸᕐᓇᐅᑎᓕᐊᖑᓇᔭᖅᑐᒧᑦ.

ᐅᖃᐅᓯᕐᓄᑦ ᑲᒥᓯᓇᐅᑉ ᐊᒡᓚᒡᕕᐊᓂ ᐅᖃᖃᑎᖃᐅᑦᑎᐊᕆᐊᖃᕐᓂᖅ ᓱᖃᐃᒻᒪᒋᔭᐅᑐᓐᓇᕋᓗᐊᖅᖢᓂ ᑖᒃᑯᖕᓄᖓ ᐱᕐᔪᐊᒻᒪᕆᐊᓘᖕᓄᑦ ᒪᓕᒑᖕᓄᑦ, ᑭᓯᐊᓂᑕᖃᕐᒥᖕᒪᑦ ᑕᒪᐃᑕ ᐊᒃᑐᖅᑕᐅᓯᒪᔪᑦ ᒪᓕᒐᕐᒧᑦ ᐊᑐᐊᖅᓯᔭᕆᐊᖃᕐᓂᐊᕐᒪᑕ ᒪᓕᒐᐅᑉ ᐃᓗᐊᓂ ᖃᖓᒃᑰᖅᑕᖅᑎᑕᐅᓯᒪᓂᕆᔭᓂᒃ.